ಯುಗಾದಿ..........ಭಾಗ್ಯಶ್ರೀ ಕಂಬಳಕಟ್ಟ ರವರ ಕವನ

ಕವನದ ಶೀರ್ಷಿಕೆ: ಯುಗಾದಿ ಹಬ್ಬ

ಹೊಸ ಹರುಷ ತಂದಿದೆ ಯುಗಾದಿ ಹಬ್ಬ

ಬೇವು ಬೆಲ್ಲದ ಸವಿಯಾ ಮೆಲ್ಲೋ ಹಬ್ಬ ||

ಬಾಗಿಲಿಗೇ ಕಟ್ಟೋಣ ತಳಿರು ತೋರಣ

ಅಕ್ಷಯವಾಗಲಿ ಸಂತಸದ ವಾತಾವರಣ |

ಕಳೆದಿಹ ಕಹಿ ನೆನಪುಗಳ ಮರೆಯೋಣ

ಸಮಚಿತ್ತದಿ ಜೀವನವ ಮುನ್ನಡೆಸೋಣ ||

ಮನೆ ಮುಂದೆ ರಂಗೋಲಿಯ ಬಿಡಿಸುತ

ಹೊಸ ವರುಷಕೇ ಸ್ವಾಗತವಾ ಕೋರುತ  |

ನವ ಉಡುಗೆಯ ಸಂಭ್ರಮದಿ ಧರಿಸುತ

ಖುಷಿಯ ಹಂಚೋಣ ನಾವು ಅನವರತ ||

ಹಿರಿಯರಿಗೆ ತಲೆಯ ಬಾಗಿ ನಮಿಸೋಣ

ಬಗೆ ಬಗೆಯ ಭಕ್ಷ್ಯ ಗಳನು ಸವಿಯೋಣ |

ಜೀವನವು ಸುಖ ದುಃಖಗಳ ಸಮ್ಮಿಶ್ರಣ

ಅರಿತು ಸಾಗಿಸೋಣ ಈ ಬಾಳ ಪಯಣ ||

✍️ ಭಾಗ್ಯಶ್ರೀ ಕಂಬಳಕಟ್ಟ, ಉಡುಪಿ.