ಜಯಲಕ್ಷ್ಮಿ ಜಿ ಕುಂಪಲ ರವರ ಕವನ

ಹತ್ತಿರದ ಸಂಬಂಧ ದೂರವಾದಾಗ🌷🌷

ಸಂಬಂಧಗಳೆಂಬ  ಬೆಸುಗೆಯಿದು ಬಿಡಿಸಲಾಗದ ಬಂಧನ

ಸಾವಿರ ಭರವಸೆಗಳನು ಬಾಳಿಗೆ ತುಂಬುವ  ಸಾಧನ

ನೂರಾರು ನೆನಪುಗಳು  ಸಿಹಿಕಹಿಗಳ ಸರಮಾಲೆಯು

ಬಂಧಿಸಿಹುದು  ಪ್ರೀತಿ-ಸ್ನೇಹಗಳ ಸಂಕೋಲೆಯು

ಮನದ  ಮೂಲೆಯಲಿ  ಮೂಡಿಹ  ಸಂಶಯ

ಮಾಲ್ಪುದು ಬಂಧನಗಳ ಕೊಂಡಿಯ ಮಂಗಮಾಯ

ಹತ್ತಿರ ಸಂಬಂಧ ದೂರವಾಗೆ ಕೊರಗುವುದರಲ್ಲೇನಿದೆ ಅತಿಶಯ 

ಮೌನ ರೋಧನ  ನಿತ್ಯ ಕಣ್ಣೀರು ತುಂಬುವುದು , ಕಣ್ಣಾಲಿಯ

 ಹಳೆಯ ನೆನಪುಗಳ  ಅನುಕ್ಷಣ ನೆನೆಯುವಾ  ಶಿಕ್ಷೆಯು

 ಅರಿವಿಲ್ಲದ ತಪ್ಪಿಗೆ ಯಾತನೆ ಅನುಭವಿಸುವ ಪರಿಸ್ಥಿತಿಯು ಅಹಂಕಾರವ  ಮುರಿದು  ಸಂಬಂಧಗಳ  ಬೆಸೆಯಲು

 ಜೀವನವಾಗುವುದು  ಅನುದಿನ  ಹರುಷದ  ಹೊನಲು

      _ ಜಯಲಕ್ಷ್ಮೀ ಜಿ ಕುಂಪಲ(ವಿಜಯ ನಿಸರ್ಗ)