ನಗು... ಸಣ್ಣಕಥೆ - ಜಯಲಕ್ಷ್ಮಿ ಜಿ ಕುಂಪಲ ರವರಿಂದ j

*ನಗು*

ರಾಮಯ್ಯ ನದು ಮಧ್ಯಮ ವರ್ಗದ ಕುಟುಂಬ.ಪತಿಯ ನೆರಳಿನಲ್ಲಿ ಬದುಕುತ್ತಿರುವ ಸತಿ ದೇವಕಿ. ರಮ್ಯ ಸೌಮ್ಯ, ಕಾವ್ಯ ಮೂವರು ಹೆಣ್ಣುಮಕ್ಕಳು.  ಬಹಳಷ್ಟು ವರ್ಷಗಳ ನಂತರ ದೇವರ ಪ್ರಾರ್ಥನೆಯ ಫಲವಾಗಿ ಹುಟ್ಟಿದ ಕುಡಿಯೇ ರಾಜೇಶ.

ಪ್ರೀತಿಯ ಅಕ್ಕಂದಿರಿಗೆ ಒಬ್ಬನೇ ಮುದ್ದಾದ ತಮ್ಮ. ಪತಿಯ ಪ್ರತಿಯೊಂದು ಹೆಜ್ಜೆಯಲ್ಲೂ ಸಹಕಾರವನ್ನು ನೀಡುವ ಪತ್ನಿ . 

ಮುದ್ದಾದ ಮಕ್ಕಳಿಂದ ಕೂಡಿದ ಸಂಸಾರ ರಾಮಯ್ಶನದು...

ರಾಮಯ್ಯನಿಗೆ ಮದುವೆಯಾಗಿ ಮೂರು ವರ್ಷಗಳ ನಂತರ ಹುಟ್ಟಿದವಳು ರಮ್ಯ.ಮನೆಯಲ್ಲಿ ಮೊದಲನೇ ಮಗು. ಎಲ್ಲರಿಗೂ ಅಚ್ಚುಮೆಚ್ಚು.  ಹಾಗೆಯೇ ರಾಮಯ್ಯನಿಗೆ ರಮ್ಯಳೆ ತನ್ನ ಪ್ರಪಂಚವಾಗಿದ್ದಳು. ರಮ್ಯಳಿಗೋಸ್ಕರ ಯಾವುದೇ ಕೆಲಸವನ್ನಾದರೂ ಸರಿ ಬಿಟ್ಟು ಓಡಿ ಬರುತ್ತಿದ್ದ ರಾಮಯ್ಯ.

ರಾಮಯ್ಯನ ಕನಸಿನ ಲೋಕ ರಮ್ಯ ಆಗಿದ್ದಳು.

ಸಂಸಾರ ಲೋಕದಲ್ಲಿ ಮುಳುಗಿದ್ದ ರಾಮಯ್ಯನಿಗೆ ಮಗಳು ರಮ್ಯ,  ಮದುವೆಯ ವಯಸ್ಸಿಗೆ ಬಂದದ್ದು ಅರಿವೇ ಆಗಲಿಲ್ಲ.

ಮಗಳಿಗೆ ಒಳ್ಳೆಯ ವರ ಸಿಕ್ಕಿ ಮದುವೆ ಮಾಡುವ ಸಂಭ್ರಮ ಒಂದು ಕಡೆಯಾದರೆ ತನ್ನ ಪ್ರಪಂಚವೇ ಬಿಟ್ಟುಹೋಗುವುದೆಂಬ ದುಃಖ ಇನ್ನೊಂದು ಕಡೆ, ಕೊನೆಗೆ ಮದುವೆಯ ದಿನ ಬಂದೇ ಬಿಟ್ಟಿತು. ಎಲ್ಲರೂ ಸಂಭ್ರಮ ಪಡುತ್ತಿದ್ದರೆ ರಾಮಯ್ಯ ಮಾತ್ರ ಮನಸ್ಸಿನಲ್ಲಿ ದುಃಖ ಪಡುತ್ತಿದ್ದ. ಮದುವೆಯ ದಿನ ಕೊನೆಯ ಕಾರ್ಯವೆಂದರೆ ಮಗಳನ್ನು ಅಳಿಯನ ಕೈಗೆ ಒಪ್ಪಿಸುವುದು..

 ಮಗಳನ್ನುಭಾರವಾದ ಮನಸ್ಸಿನಿಂದ ಅಳಿಯನ ಕೈಗೆ ಒಪ್ಪಿಸಿ ಗೋಡೆಗೆ ಒರಗಿ ನಿಂತ ರಾಮಯ್ಯ . ಗಂಡನ ಜೊತೆ ಹೆಜ್ಜೆ ಹಾಕುತ್ತಿರುವ ಮಗಳ ಮೊಗದಲ್ಲಿಯ ಕಿರು ನಗುವನ್ನು ಕಂಡು ಒಮ್ಮೆಲೇ ಅಲ್ಲಿಯೇ ಕುಸಿದು ಬಿಟ್ಟ.....

ಜಯಲಕ್ಷ್ಮಿ ಜಿ ಕುಂಪಲ

ಮಂಗಳೂರು.

ಮಕ್ಕಳ ಜೋಳಿಗೆಗೆ ಒಂದು ವರ್ಷ ತುಂಬಿದ ಸಂಭ್ರಮ

ಮಕ್ಕಳ ದಿನದ ಸಂಭ್ರಮಕ್ಕಾಗಿ ಮಕ್ಕಳಿಗಾಗಿ ಮಕ್ಕಳ ಕಲರವ ರಾಜ್ಯಮಟ್ಟದ ಚಿತ್ರಕಲಾ ಸ್ಪರ್ಧೆ 

ಸ್ಪರ್ಧೆಯ ವಿವರ

ಒಂದನೇ ತರಗತಿಯಿಂದ ನಾಲ್ಕನೇ ತರಗತಿಯವರೆಗೆ ಅವರ ಐಚ್ಛಿಕ ವಿಷಯದ ಮೇಲೆ ಚಿತ್ರ ಬಿಡಿಸುವುದು

ಐದನೇ ತರಗತಿಯಿಂದ ಎಂಟನೇ ತರಗತಿಯವರೆಗೆ  ನಾನು ಮೆಚ್ಚಿದ ಆಟ ವಿಷಯದಲ್ಲಿ ಚಿತ್ರ ರಚಿಸುವುದು

ಒಂಬತ್ತನೇ ತರಗತಿಯಿಂದ ಹನ್ನೆರಡನೇ ತರಗತಿಯವರೆಗೆ ನೀರು ಉಳಿಸಿ, ಮರಗಳನ್ನು ಉಳಿಸಿ ವಿಷಯದಲ್ಲಿ ಚಿತ್ರ ರಚಿಸುವುದು 

ಪ್ರತೀ ವಿಭಾಗದಲ್ಲೂ ನಗದು, ಪ್ರಶಸ್ತಿ ಪತ್ರ

ಪ್ರಥಮ: 1500 ರೂ ಮತ್ತು ಪ್ರಶಸ್ತಿ ಪತ್ರ

ದ್ವಿತೀಯ : 1000 ರೂ ಮತ್ತು ಪ್ರಶಸ್ತಿ ಪತ್ರ

ತೃತೀಯ : 500 ರೂ ಮತ್ತು ಪ್ರಶಸ್ತಿ ಪತ್ರ 

5 ಸಮಾಧಾನಕರ ಬಹುಮಾನ‌ ರೂ 200 ಮತ್ತು ಪ್ರಶಸ್ತಿ ಪತ್ತ

ಭಾಗವಹಿಸಿದ ಎಲ್ಲರಿಗೂ ಇ ಪ್ರಮಾಣಪತ್ರ.

ನೀವು ರಚಿಸಿದ ಚಿತ್ರಗಳನ್ನು ಈ ವಿಳಾಸಕ್ಕೆ ಕಳುಹಿಸಿ ಕೊಡಿ‌

ಬಿ.ಎಂ.ರಫೀಕ್ ತುಂಬೆ

ಚಿತ್ರಕಲಾ ಶಿಕ್ಷಕರು

ಅನುದಾನಿತ ಟಿಪ್ಪು ಸುಲ್ತಾನ್ ಪ್ರೌಡ ಶಾಲೆ, ಕೋಟೆಪುರ- ಉಳ್ಳಾಲ 575020

ದಕ್ಷಿಣ ಕನ್ನಡ 

ಅಕ್ಟೋಬರ್ 30 ರ ಒಳಗಾಗಿ ಚಿತ್ರಗಳನ್ನು ಕಳುಹಿಸಿ ಕೊಡಿ

 ಫಲಿತಾಂಶ ವನ್ನು ನವೆಂಬರ್ 13 ರಂದು ಜೋಳಿಗೆಯ ವೆಬ್‌ಸೈಟಲ್ಲಿ ಪ್ರಕಟಿಸಲಾಗುವುದು.

ಎಳೆಯ ಬೆಳೆಯುವ ಪ್ರತಿಭೆಗಳನ್ನು ಪ್ರೋತ್ಸಾಹಿಸುವ ನಮ್ಮೀ ಕಾರ್ಯಕ್ರಮ ವನ್ನು ಪ್ರೋತ್ಸಾಹಿಸಿ