ಪರೀಕ್ಷೆಯ ಭಯ - ಸುಮಂಗಳಾ ದಿನೇಶ್ ಶೆಟ್ಟಿ ಯವರ ಕವನ

*ಶೀರ್ಷಿಕೆ : ಪರೀಕ್ಷೆಯ ಭಯ* 

ಯಾಕೋ ಏನೋ ಮನಸು ಮಂಕಾಗಿದೆ

ಸಾಕೋ ಸಾಕಪ್ಪ ಈ ಓದು ಎಂಬಂತಿದೆ…..//

ಕೇಕೆ ಹಾಕೋ ದ್ವನಿ ಮೌನತೆಗೆ ಜಾರಿದೆ

ಬೇಕೆ ಈ ಪರೀಕ್ಷೆ ಮನ ಗೊಣಗುತ್ತಿದೆ

ಕೈಕಾಲುಗಳು ಬೆವರಿ ತಣ್ಣಗಾದಂತಿದೆ

ಕಣ್ಣು ಮಂಜಾಗಿ ಪ್ರಶ್ನೆ ಕಾಣದಂತಾಗಿದೆ……//

 *//ಯಾಕೋ ಏನೋ………….//* 

ಭಯದ ಛಾಯೆ ಎದೆಯಲ್ಲಿ ಮೂಡಿದೆ

ಮುಗ್ಧ ನಗುವ ಮೊಗದಿಂದ ಕಸಿದಿದೆ

ತುಂಟತನವ ಬಾಳಿಂದ ದೂರ ಸರಿಸಿದೆ

ಜವಾಬ್ದಾರಿಯ ಕೂಪಕ್ಕೆ ತಳ್ಳಿದಂತಾಗಿದೆ…….//

 *//ಯಾಕೋ ಏನೋ…………//* 

ನೀರಲ್ಲಿ ನಿಂತಂತಾಗಿದೆ ಒಬ್ಬಂಟಿಯಾಗಿ

ಕೂರಲಸಾಧ್ಯವು ಕೈಕಟ್ಟಿ ಹೇಡಿಯಾಗಿ

ತೊರೆದು ಹೆದರಿಕೆಯನು ಆತ್ಮಬಲದಿ

ಸೇರಲೇಬೇಕು ಈಜಿ ದಡವ ಸ್ವಪ್ರಯತ್ನದಿ………//

 *//ಯಾಕೋ ಏನೋ…………//* 

✒️ *ಸುಮಂಗಲಾ ದಿನೇಶ್ ಶೆಟ್ಟಿ.ಕುಂಪಲ*