ತ್ರಿಲೋಕ ರಕ್ಷಕ - ಭಾಗ್ಯಶ್ರೀ ಕಂಬಳಕಟ್ಟ ರವರ ಕವನ

*ತ್ರಿಲೋಕ ರಕ್ಷಕ* 

ಜಗದೀಶ್ವರ ಜಗಕಾಯ್ವ ಮೃತ್ಯುಂಜಯನೆ

ಗಂಗಾಧರ ಸುರಸುಂದರ ವಾಮದೇವನೆ |

ನಾಗಭೂಷಣ ವಿಷ ಉಂಡ ವಿಷಕಂಠನೆ

ಬಾಗುತಲಿ ದೇವನಿಗೆ ಸಲ್ಲಿಸುವೆ ವಂದನೆ ||

ದೇವತೆಗಳ ದೇವ ಮಹಾದೇವ ಶಂಕರ

ಅವನಿಯ ಕಾಪಾಡು ಅರ್ಧನಾರೀಶ್ವರ    |

ನವಚೈತನ್ಯವ ನೀಡು ಹೇ ಪರಮೇಶ್ವರ

ಭವಭಯಹರನೊಲಿದರೆ ದುರಿತದೂರ   ||

ಕೈಲಾಸವಾಸಗೆ ಕರಮುಗಿದು ನಮಿಸುವೆ

ಹಾಲಾಹಲ ಕುಡಿದ ಹರನ ಪ್ರಾರ್ಥಿಸುವೆ  |

ತ್ರಿಲೋಕ ರಕ್ಷಕನೇ ಹರಸೆಂದು ಬೇಡುವೆ

ನೀಲಕಂಠ ಸ್ತುತಿಯ ಅನುದಿನ ಪಾಡುವೆ ||

✍️ *ಭಾಗ್ಯಶ್ರೀ ಕಂಬಳಕಟ್ಟ, ಉಡುಪಿ.*